निर्वाचन आचारसंहिताबारे एमालेको ध्यानाकर्षण

काठमाडौँ । नेकपा (एमाले)ले आशन्न स्थानीय तहको निर्वाचन आचारसंहिताका सम्बन्धमा आज निर्वाचन आयोगलाई आफ्नो धारणाहरू बुझाएको छ ।

सो पार्टीका महासचिव शङ्कर पोखरेलको नेतृत्वमा गएको प्रतिनिधिमण्डलले प्रमुख निर्वाचन आयुक्त दिनेशकुमार थपलिया समक्ष बुझाइएको ध्यानाकर्षणपत्रमा विद्युतीय सामग्री उत्पादन र सामाजिक सञ्जालमा राख्न नपाइने व्यवस्थाले अभिव्यक्ति स्वतन्त्रता कुष्ठित हुने लगायतका विषयहरू उल्लेख छन् ।

एमालेले कुनै पनि कार्यपालिकाको सदस्य, प्रधानमन्त्री, मन्त्रीलगायत पदाधिकारीलाई आफ्नो निर्वाचन क्षेत्रबाहेक निर्वाचन प्रचारको कार्यमा सम्लग्न हुन नहुने, कुनै पनि कार्यालयबाहेक अन्यत्र निर्वाचन चिह्न झण्डाको प्रयोग गर्न नहुने, निर्वाचनअघि जनप्रतिनिधिले राजिनामा दिनुपर्ने, मतदान वा निर्वाचन अधिकृतले गरेको निर्णयमा उजुरी नलाग्नेजस्ता प्रावधान प्रचलित मान्यता र अभ्यासविपरीत भएको जनाएको छ ।

सेयर गर्नुहोस्

Leave a Reply

Your email address will not be published.