एभरेष्ट बैंकले प्युजो र सिट्रोन गाडी किन्नेलाई सजिलै कर्जा दिने
काठमाडौं । एभरेष्ट बैंकले प्युजो र सिट्रोन आधिकारीक विक्रेता सांग्रीला मोटोर्स प्राइभेटले विक्री गर्दै आएको गाडीहरुमा कर्जा दिने भएको छ । बैंक र सांग्रीला मोटोर्सबीच सम्झौता भएको छ । दुई संस्था बीच भएको सम्झौँतापत्रमा बैंकको तर्फबाट उपमहाप्रबन्धक गौरव कुमार र सांग्रीला मोटोर्स प्रा.लि.को तर्फबाट सहायक महाप्रबन्धक किरण श्रेष्ठले हस्ताक्षर गरेका छन् । सम्झौता अनुसार अब प्युजो र सिट्रोनका गाडीहरुमा खरिद गर्ने ग्राहकहरुले एभरेष्ट बैंकका सबै शाखाहरूबाट सुलभ ऋण सुविधाहरू सजिलै उपलब्ध हुनेछ ।