प्रधानमन्त्री र भारतीय विदेशमन्त्री जयशंकरबीच भेटवार्ता
काठमाडौं । नेपाल भ्रमणमा रहेका भारतीय विदेशमन्त्री एस जयशंकरले प्रधानमन्त्री पुष्पकमल दाहाल ‘प्रचण्ड’सँग भेटवार्ता गरेका छन् ।
दुईदिने नेपाल भ्रमणका लागि जयशंकर आज काठमाडौं आइपुगेका हुन् । यसअघि राष्ट्रपति रामचन्द्र पौडेलसँग शिष्टाचार भेट गरेका उनले प्रधानमन्त्रीसँग भेटवार्ता गरेका हुन् ।
सिंहदरबारमा भएको भेटमा नेपालका लागि भारतीय राजदूत नवीन श्रीवास्तव, परराष्ट्र सचिव सेवा लम्साललगायत सहभागिता थिए ।
जयशंकरले आजै नेपाली कांग्रेस सभापति शेरबहादुर देउवा, नेकपा ९एमाले० अध्यक्ष केपी शर्मा ओलीलगायतका नेताहरूसँग भेट गर्ने कार्यक्रम रहेको छ ।