एनसीसी बैंकले जम्मा गर्यो शेयरधनीको खातामा लाभांश

काठमाडौं । नेपाल क्रेडिट एण्ड कमर्स बैंकले शेयरधनीको खातामा लाभांश जम्मा गरिदिएको छ । बैंकको मंसिर २ गते सम्पन्न २५ औं वार्षिक साधारणसभाले पारित गरेको ७.६३३७ प्रतिशत नगद लाभांश आईपीएसमार्फत शेयरधनीहरुको हितग्राही खातामा जम्मा गरेको बैंकले जनाएको छ ।
नेपाल धितोपत्र बोर्डको निर्देशन बमोजिम नगद लाभांश वापतको रकम शेयरधनीहरुको बैंक खातामा नै रकमान्तर गरिने हुँदा हितग्राही खातामा बैंक खाता नम्बर अद्यावधिक गरिएका खातामा मंसिर ६ गतेदेखि जम्मा गरेको बैंकले बताएको छ । बैकको खाता अध्यावधिक नगरेका शेयरधनीहरुको हकमा भने बैंक खाता सम्बन्धी विवरण अद्यावधिक गराउनुहुन बैंकले आग्रह गरेको छ । बैंक खाता नम्बर रुजु नभएका, खाता रहेको बैंकको नाम परिवर्तन भएका, नाम रुजु नभएका तथा अन्य विविध कारणले लाभांश रकम रकमान्तर हुन नसकेको शेयरधनीहरुको अध्यावधिक भए पश्चात् मात्रै जम्मा गर्ने व्यवस्था मिलाएको छ ।
बैंक खातामा नगद लाभांश जम्मा गर्दा कुनै शुल्क लाग्ने भए सो शुल्क शेयरधनीले नै व्यहोर्नु पर्ने बैंकले जनाएको छ । भौतिक शेयर कायम भएको शेयरधनीहरुको हकमा शेयर अभौतिकीकरण पश्चात् मात्र लाभांश वितरण गरिने भएकाले अभौतिकीकरण गर्न हुन बैंकले अनुरोध गरेको छ । साथै, बैंकको शेयर कात्तिक १५ गते सम्ममा धितो बन्धक राखी कर्जा लिएका शेयरधनीहरुको नगद लाभांश नो अब्जेक्सन लेटर प्राप्त भएपश्चात् जम्मा गरिने छ ।