सोमबार नेपालि बजारमा सुनको मूल्य तोलामा १ लाख २१ हजार नाघ्यो
काठमाडौं । आज सोमबार सुनको मूल्यले नयाँ कीर्तिमान कायम गरेको छ ।
नेपाल सुनचाँदी व्यवसायी महासंघका अनुसार प्रतितोला ८ सय रुपैयाँले बढेर नयाँ रेकर्ड कायम गरेको हो । हिजो तोलामा १ हजार ८०० रुपैयाँले बढ्दै मूल्यले नयाँ कीर्तिमान बनाएको थियो ।
आज पनि मूल्य थप बढ्दै नयाँ कीर्तिमान बनेको हो । यससँगै, आज छापावाल सुनको मूल्य तोलामा १ लाख २१ हजार ६०० रुपैयाँ कायममा कारोबार भइरहेको महासंघले जनाएको छ । यस्तै, तेजाबी सुनको मूल्य तोलामा १ लाख २१ हजार रुपैयाँ छ ।
हिजो छापावाल सुनको मूल्य तोलामा १ लाख २० हजार ८०० र तेजाबी सुनको मूल्य तोलामा १ लाख २० हजार २०० रुपैयाँ कायम थियो । आज चाँदीको मूल्य भने स्थिर छ । महासंघका अनुसार आज चाँदीको कारोबार मूल्य तोलामा १५ सय ४५ रुपैयाँमा भइरहेको छ ।