Kathmandunews – सत्याग्रह साप्ताहिकको डिजिटल पत्रीका
कैलाली । धनगढीमा झण्डै तीन किलो चरेससहित एम्बुलेन्स चालक पक्राउ परेका छन् ।
प्रहरीले सोमबार बझाङको रायल स्वास्थ्य केन्द्रको एम्बुलेन्सका चालकलाई २ किलो ८ सय ग्राम चरेससहित पक्राउ गरेको हो । उक्त एम्बुलेन्स बझाङबाट बिरामी बोकेर धनगढी आएको थियो ।
पक्राउ पर्नेमा एम्बुलेन्स चालक बझाङको केदारस्युँ गाउँपालिका ३ का ३७ वर्षीय रामबहादुर खाती छन् । उनीविरुद्ध थप अनुसन्धान भइरहेको धनगढी प्रहरीले जनाएको छ ।