विश्व क्रिकेट लिग-२- नेदरल्यान्ड्सलाई नामिबियाले दियो २०४ रनको लक्ष्य
काठमाडौं । आईसीसी विश्व क्रिकेट लिग-२ अन्तर्गतको खेलमा नामिबियाले नेदरल्यान्ड्सलाई २०४ रनको लक्ष्य दिएको छ ।
क्रिवि क्रिकेट मैदानमा टस हारेर पहिले ब्याटिङ गरेको नामिबिना ४१.३ ओभरमा २०३ रनमा अलआउट भयो । नामिबियाका लागि ज्यान निकोल लोफ़्टि-इटनले सर्वाधिक ४९ रन बनाए । यस्तै डेब्यु गरिरहेका मलान क्रुगरले ३९ रन जोडे । कप्तान जेर्हार्ड इरासमस उनी २२ बलमा १२ रन बनाएर रुलफ भ्यान डर मर्वाको बलमा नोआह क्रोएसद्वारा क्याच आउट भए ।
नेदरल्याण्ड्सका लागि भिभियन किङ्गमाले सर्वाधिक ३ विकेट लिए । यस्तै आर्यन दत्त र रुलफ़ भ्यान डर मर्वाले समान २-२ विकेट लिँदा शारिज अहमद र बास डे लिडाले १-१ विकेट लिए ।
नामिबिया पछिल्लो खेलमा नेदरल्याण्ड्स विरुद्ध हार बहोरेको थियो ।