मुक्तिनाथ विकासको घरदैलो कार्यक्रम सम्पन्न

काठमाडौं । मुक्तिनाथ विकास बैंकको देशभरको शाखा कार्यलयहरुले ग्राहकमा वित्तीय साक्षरता बढाउन घरदैलो कार्यक्रम सम्पन्न गरेको छ । बैंकले देशभर वित्तिय साक्षरता बढाउनुको साथै आफ्नो सेवा, सुविधाहरुको जानकारी तथा खाता खोल्ने सुविधा दिन घरदैलो कार्यक्रम सम्पन्न गरेको हो ।
बैंकले आयोजना गरेको घरदैलो कार्यक्रमले मुक्तिनाथ बैंकको सेवा सुविधाका बारेमा मात्र नभई बैंकिङ्ग सुविधाको साक्षरता बढाउने उदेश्य रहेको बैंकले जनाएको छ । यस कार्यक्रममा बैंकका अध्क्षय, सञ्चालक समितिका सदस्यहरु, प्रमुख कार्यकारी अधिकृत, उच्च व्यवस्थापनका कर्मचारीहरु तथा अन्य सम्पूर्ण कर्मचारीहरु र केही संस्थापक शेयरधनी महानुभावहरुको समेत सहभागीता रहेको थियो । साथै, बैंकले डिजिटल कारोबारलाई प्रोत्साहनगर्न यस विकास बैंकको एटिएम कार्ड प्रयोग गरी नेपालभरी रहेको भिसा नटवर्कमा आवद्ध अन्य जुनसुकै बैंकको एटिएम मेसिनबाट निशुल्क रकमझिक्न सकिने व्यवस्था गरेको छ । त्यसैगरी, प्रिपेड डलर कार्ड , मोबाईल बैंकिङ्ग, क्यूआर कोड, अनलाईन कर्जा आवेदन, अनलाईन खाताखोल्ने, ईन्टरनेट बैंकिङ्ग, खाता मै रेमिट्यान्स जम्मातथामिस्डकल बैंकिङ्ग आदि जस्ता सेवाहरु बैंकको शाखामा भौतिक रुपमा उपस्थित नभई घरबाटै उपयोग गर्न सकिने व्यवस्था गरेको बैकले जनाइएको छ ।