कर्मचारी सञ्चय कोषमा ४१ जना कर्मचारी माग

काठमाडौं । कर्मचारी सञ्चय कोषले विभिन्न तहका पदका लागि ४१ जना कर्मचारीको माग गरेको छ । खुला प्रतियोगिताद्वारा स्थायी पूर्तिका लागि कर्मचारी सञ्चय कोषले विभिन्न तहका पदमा ४१ जनालाई रोजगारी खुलाएको हो । प्रकाशित सूचनाकाअनुसार कोषले प्रबन्धक पदमा प्राविधिक समूहका लागि खुलातर्फ १ जनालाई रोजगारी खुलाएको छ । त्यस्तै, उपप्रबन्धक पदमा प्रशासन समूहका लागि खुल्लातर्फ १ र मधेशीतर्फ १ जनालाई रोजगारी खुलाईएको छ । उपप्रबन्धक पदका लागि प्रशासनतर्फ नै खुल्लामा १ जना, आदिवासी जनजातीमा १ जना र मधेशी समूहमा १ जनाका लागि रोजगारी खुलाइएको छ । उपप्रबन्धक (वित्त विश्लेषक) पदका लागि प्रशासन समूहमा खुलातर्फ १ जना र आदिवासी जनजातीतर्फ १ जना, सशायक प्रबन्धक पदमा प्रशासन समूहका लागि खुलातर्फ १३ जना, महिलातर्फ ५ जना, आदिवासी जनजातितर्फ ३ जना, मधेशीतर्फ २ जना र पिछडिएको क्षेत्रतर्फ १ जनाका लागि रोजगारी खुलाइएको छ ।
त्यस्तै, सशायक प्रबन्धक (कानुन) पदका लागि प्रशासन,कानुन समूहमा आदिवासी जनजाति १ जना, सहायक प्रबन्धक (स्टिम) पदका लागि प्राविधिक कम्प्युटर समूहका लागि खुलातर्फ १ जना, सहायक प्रबन्धक (कम्युटर इन्जिनियर)का लागि खुलातर्फ २ जनालगायतका विभिन्न पदका लागि लागि रोजगारी खुलाइएको छ । कुल ४१ जनालाई विभिन्न पदमा रोजगारी खुलाइएको हो । कोषकाअनुसार सूचना प्रकाशित भएको २१ दिनभित्र नियमित दस्तुरमा र २१ दिनपछिको थप ७ दिनसम्म दोब्बर दस्तुर तिरेर दरखास्त बुझाउन सकिनेछ ।