गायक प्रकाश सपूतको तीज विशेष गीत ‘जाले रुमाल फाट्यो’ सार्वजनिक
काठमाडौं । गायक प्रकाश सपूतको तीज विशेष गीत ‘जाले रुमाल फाट्यो’ सार्वजनिक भएको छ । उक्त गीत दुई वर्षअघि तीजमा सार्वजनिक ‘कुरा बुझ्न पर्च’को दोस्रो भाग हो ।
गायक सपूतको शब्द र सङ्गीत रहेको उक्त गीतमा गायिका समीक्षा अधिकारीको स्वर रहेको छ । गीतको म्युजिक भिडिओमा नायिका स्वस्तिमा खड्का, आँचल शर्मा, अभिनेता गौरव पहारी, विशाल पहारी र स्वयम सपूतको अभिनय छ । सो गीत गायक सपूतको आफ्नै युट्युब च्यानलबाट गएराति सार्वजनिक गरिएको छ ।
महिलामाथि हुने विभेद अन्त्यका लागि कानुन प्रभावकारी हुनुपर्ने सन्देश गीतले दिन खोजेको छ। नेपाली समाजको संवेदनशील र महत्त्वपूर्ण कथालाई तीज गीतका माध्यमबाट बाहिर ल्याएको छ । विषय, प्रस्तुति र निर्देशनका हिसाबले आफ्ना लागि पनि यो गीत विशेष रहेको सपूतले बताए । दुई वर्षअघि सार्वजनिक गीत ‘कुरा बुझ्न पर्च’मा सपूतले महिलाको सोच र आत्मविश्वासलाई प्रस्तुत गरेका थिए । लैङ्गिक समानताको विषयलाई गीतले समेटेको थियो । सो गीतमा पनि नायिका स्वस्तिमा खड्का र आँचल शर्माको अभिनय छ ।
गायक सपूतले हरेक आफ्ना गितमा संवेदनशील र महत्त्वपूर्ण कथा बस्तुलाई समेटेर बनाउने हुदाँपनि धेरैलाई गित आउनु अगावै कौतोहलता बढ्ने गर्दछ । सोहिकारण पनि सो गित अहिले २४ घण्टा नपुग्दै छ लाख बढिले हेरिसकेका छन् भने टे्न्डिङ नं. २ मा रहेको छ ।